東京 Day 4 三鷹の森ジブリ美術館 - 吉祥寺 - 東京鐵塔

今朝起床後便要執拾行裝搬酒店。因為想試吓唔同嘅酒店，所以package包的兩晚酒店我選擇了Hotel Century Southern Tower，check out 後便將行李搬過對面酒店，然後就出發開始今日嘅行程。

今日會去三鷹の森ジブリ美術館，之前成日聽見人話好難買票，我地都係抱住買到就去的心態，所以第一日係築地行過見到有Lawson時，順便睇吓有冇，找店員幫忙搞部訂票機，就買左今日12:00 pm嘅票，揸住張receipt到時去到先換入埸劵架。

係三鷹車站買左便當及朱古力旦糕做brunch

出左車站轉左行落樓下就會見到去美術館嘅巴士站

如果要搭來回，記得係部機度買來回票呀！平ｄ架！

坐巴士大約10分鐘就到了美術館站

去到未夠鐘，坐低食完便當先入場，去到counter換了入場劵，好得意，係張菲林片。

室內係唔准影相，四周逛逛，睇吓電影，阿女玩吓貓巴士，再到戶外影吓相，原來不經不覺已經3點幾，係時候要走了，因為下站要去吉祥寺啊！




我家的新成員－波兒

出左美術館沿著井の頭公園便可到吉祥寺，估唔到係公園內居然仲有機會睇到櫻花，雖然唔係咁多，但都幾靚架。

行到吉祥寺，第一時間去搵松阪牛肉球，離遠見到條人龍，就知已經到達，好彩唔係好多人，排左10分鐘就買到了，yummy yummy！

食完喺附近行左一陣，阿女話要去東京鐵塔喎，其實係唔順路，不過見有時間，就立即起行，因為放工時間好多人搭車，又要轉車先到，好彩去到仲未天黑。

行吓睇吓就已天黑lu，不過都好，可以順便睇埋夜景，因為我以前黎過都只係下午，未試過夜晚上黎，原來夜晚睇好靚呀。

玻璃地板 - 見到已經腳軟，連望都唔敢望落去，阿女直情企係度，好野！！

夠鐘要走喇，之後便要返 Century Southern Tower check in，房間比 Sunroute Plaza 大些小，設備都差不多一樣，但感覺上Sunroute好似整潔d舒服d。

跟住就出外 dinner，由於我同阿女都鍾意食烏冬，所以就選左天書介紹的東京麵通團，其實好似食車仔麵咁，首先選左烏冬，然後再自己拿天婦羅，跟住計數比錢。

睇見d天婦羅好似好好味咁，其實唔多好食架，因為唔知係咪一早炸定，擺到凍晒，不過d烏冬就幾好味嘅。

食飽又四圍散步行便利店同買水果。