東京 Day 2 上野動物園 - 阿美橫丁

由於我地一家都係爛瞓豬，一覺醒來已經１０點幾，出發時都已接近中午，到左食lunch時間，於是就去左附近既 Pepper Lunch 開餐。

自己選擇食物，再入錢買票，阿女覺得好新鮮

食完飯後開始今日既行程，就係去上野動物園，到園時已經２點幾。

立即去搵大熊貓，但係.........點解淨係見到小熊貓嘅？

睇真ｄ個告示牌 :

原來大熊貓玲玲已經ｃ左，阿女好失望呀，加上今日又落雨，攪到冇晒心機，不過都要爭取時間四圍去參觀。

要用１００円乘坐的單軌吊車，原來只是坐３分鐘都唔夠的車程，早知自己行去西園啦！

之後去左阿美橫丁，黎到呢度當然要買番ｄ零食啦，去左天書介紹的二木菓子屋掃貨，之後順便去埋多慶屋逛逛，發現原來有部份零食係平過二木架，下次都係格下價先。
  

行完天都黑晒，跟住返酒店放抵shopping戰利品，休息一陣，又要出動，今晚已plan好去食“六歌仙”，由於今日大部份時間都落雨，晚上仲好大雨添，擔住把傘又要睇地圖去搵六歌仙嘅正確位置，好論盡呀，到搵到的時候又已經９點幾喇，今晚又係唔知食晚餐定宵夜呢？

六歌仙燒肉 & shabu shabu 放題

大人 特價 7080円 (原價 7870円)

小童 3935円

食完的時候已１１點幾，但ｄ雨未停過，一直都係咁大雨，唯有又冒住大雨行番酒店啦！