台北 Day 1 福泰桔子旅館 ~ 師大夜市

21 - 26 Dec 2011

今個聖誕我地又飛喇！ 今次近近地選擇左台灣，因台灣實在有太多美食，而我家小姐又成日話要去買書，咁呢處就完全符合晒我地一家大細嘅要求喇！

出發了，揀左搭下晝機，其實係要等小姐放學後先可出發，係咪好趕呢！

第一次搭長榮，又幾OK喎，飛機餐都唔太差。

嘩！一落機飛輪海就喺度歡迎我地喎

攞埋行李出到機場已經差不多6點，天都黑了，立即坐國光客運到台北車站

頭3晚的酒店就是這間福泰桔子旅館 (館前店)，近住台北車站，交通非常方便。

房間比較細，但好乾淨企理，今次只book到大床房，而房價亦只需NT$2300一晚，唯有屈就吓啦，哈哈！

Toilet只係用玻璃門間開，聽聞而家好多酒店都係咁設計，真係open喇！

到達酒店已8點了，check-in 後立即出發，今晚會去師大夜市

酒店樓下有間繼光香香雞，我地當然要試吓啦！

到左師大夜市，大家都十分肚餓，是但走左入呢間食牛肉麵，味道都唔錯。

行行吓見到好多人排隊的許記生煎飽，我地又點會執輸呢，買返酒店做消夜

好多小食檔攤呀

小姐最愛的雪糕

是晚消夜－生煎飽和蚵仔麵線

今天的收獲

其實師大夜市都幾多精品適合我家小姐的，但今日已經好累了，所以都係走馬看花咁行一轉，等下次有機會先慢慢行啦！