我地今日嘅行程係去東京廸士尼樂園，所以要早ｄ起身呀！不過瞓醒又已經９點鐘喇，為了爭取時間，梳洗完立即坐 JR出發，只在東京站轉車時買了飯團及麵包做早餐。
去到廸廸尼時已經１１點鐘，比起我對上幾次來的時候，今日唔係好多人咋，希望可以玩多幾個遊戲啦！
原本諗住第一時間去拎 Winnie the Pooh 嘅fastpass，但去到ｄ機冚住左，唔通已經派晒，再問吓ｄ姐姐，原來要維修，所以冇得玩呀，激ｃ我喇，因為以前每次黎都因為人多從來都未玩過，今次咁好機會，竟然冇得玩，嗚嗚嗚..........
咁唯有去玩其他遊戲，行過小小世界，出面冇人排，入到去唔駛５分鐘上到船，真好！
之後去攞巴斯光年 fastpass，要等到４點半先有得玩。
跟住就去左今日第一日（2009年4月15日）推出嘅新遊戲－怪獸電力公司，咁我地當然要去幫襯吓啦！去到指示牌show話要排150分鐘呀，都要慢慢排啦！
玩法係坐係架車度，然後揸住支電筒去照d怪獸，好似冇咩特別。
掛左咁耐隊玩完出黎開始肚餓，諗住去番以前我地去開嘅水晶宮餐廳，去到門口見到個牌而家變左食buffet，唔係以前的自助式餐廳，所以冇食到，又要周圍行吓搵其他野食。
行過見到加勒比海盜冇人排隊，又走左入去玩番轉。
出到黎就開始巡遊，但因為要去食野，所以都要放棄唔睇，求其去左一間餐店食米奇雞包，原來都可以遠望到出面嘅巡遊，真係好喇。
食飽之後繼續，玩左過山車2次，然後夠鐘玩巴斯光年，跟住玩左咖啡杯，幽靈公寓，馳車天地。
肚餓又去左食炸雞餐
再去西部行吓，經過splash mountain，阿女話好想玩，但我地兩老以前玩過，而家受唔起呢d刺激，所以冇得玩。
行行吓開始天黑，又累，經過西部鐵路，又走上去坐左一轉順便休息吓，就快夠鐘夜間巡遊，不過我地都冇特登搵位睇，因為阿女話好想玩多次過山車，所以就過番toontown果邊，又玩左2次，跟住見到巡遊過到呢邊，就順便睇埋。
睇完巡遊之後會放煙花，但又想爭取時間玩其他遊戲，係排緊隊入米奇公館之際，煙花開始了，仲可以好近距離睇到，不過好快放完仲覺有d失望，原來香港嘅煙花係精彩過日本架！
接近尾聲，行過見到有個遊戲冇人排隊，又走左入去，原來係架兔子卡通轉轉車，玩完出黎要起行出番市集shopping！
今日真係好好玩呀，唔多人，除左怪獸公司外，每個遊戲都係排左大約 3–２０分鐘左右，阿女都玩得好開心。玩完走的時候已經１０點，本來想返新宿先食又係唔知晚餐定宵夜？？但實在太肚餓喇，行過東京站轉車時見到有拉麵店，就衝左入去食飽飽，好好味的拉麵啊！
原來人家舖頭１１點就打烊，仲已經準備定明天的 menu，但阿女食得好慢，我地係最後果3位客人，佢地要等埋我地先可收工，真係唔好意思喇！返到新宿已１２點幾，今晚又要執定行李準備明天搬酒店。
沒有留言:
張貼留言