曼谷 Day 3 Asiatique - 唐人街

今早輪到 Daddy 同小姐落去食早餐，媽咪就可繼續瞓。中午又係游水時間，

泳池唔係好大，人小小都幾好玩

游完水梳洗完就開始今日的行程 － 半島酒店 high tea，回程去埋新開的河邊夜市 ASIATIQUE

先搭 BTS 到 Saphan Taksin 站再轉酒店的免費 shuttle boat。

上船喇！

船一直開但完全唔見河邊有酒店嘅

行行吓仲見到一座座好新嘅商場添，再駛近d，原來就係我地今晚會去的夜市，但冇理由喎，明明夜市嘅船要 5：00pm 先開，點解咁早有船到，見到都有好多人，唔理咁多，落左船先算。

落船後，隻船繼續開，再望真 d，原來我地搭錯左 Anantara 酒店隻船呀

一心諗住去 high tea，而家變左日光日白行夜市，認真攪笑

唔理咁多，搵地方醫肚先，但由於時間尚早，好多餐廳都未開門，幾經辛苦搵到一檔已開始做生意，坐低多口問吓店小二究竟我地身在何方，他在地圖一指，原來我地搭左相反，唔係駛去半島果邊方向嘅船，吹漲！

High tea 行動失敗，冇晒心機求其叫個餐頂住肚先算

食完又周圍參觀吓，地方好寬敞同乾淨，同昨日的 JJ Market 完全唔同，不過好多細鋪頭未開晒，唯有影吓相打發時間啦！

行行吓又落左場大雨，好在呢度地方夠大，避雨都唔會好似 JJ Market 咁論盡，非常好！

呢度都有間 Naraya，裡面居然冇乜人，可以慢慢睇慢慢揀，唔會好似在 Central World 果間咁要同人鬥搶呀！

揀揀吓原來已經5點幾了，而因為已有接駁船的乘客而漸漸多人，不過我地都已經買好了，唔駛同人逼真好。行多一陣先開始天黑，不過都行左幾個鐘頭，係時候回程了。








呢隻接駁船就係返 BTS 車站喇，認住千祈又唔好坐錯呀！因為其他酒店的船都會係呢度泊岸接載客人的。

混左半日吉，返酒店放低戰利品休息完又出發去唐人街了。

晚餐在海外天食翅，一人一煲，爽呀！

椒絲炒通菜、粉絲蟹煲

原本諗住食小小之後再出外面掃街，點知居然又落雨，坐左好耐 d 雨未停過，都唔知等到幾時，都唯有走人，冒住大雨去老鋪林真香買埋手信便打的返酒店了。