曼谷 Day 2 水門 - 翟道翟周末巿場 - Terminal 21

今早專登早 d 起身落去嘆早餐，點知個早餐唔多掂，野食好一般又多人，失望。

好在冇叫醒小姐起身一齊食，如果要俾百幾蚊港紙食呢個早餐，就真係唔抵喇！

等小姐瞓醒都接近中午，首先出發去 Superrich 唱錢，個 rate 居然有4.07，昨日在林真香只得4.02，都相差幾多喎！

唱完錢一路向前行去水門方向

搵到我地 lunch 嘅目標 - 水門雞飯

食完雞飯出發去翟道翟周末巿場 (JJ Market)

有野食，椰子雪糕

又熱又人多，行行下仲落大雨，冇乜心機影相，行多一陣便走人。

轉陣去左呢期熱爆的 Terminal 21，呢個商場以飛機場做主題，每層樓都係唔同國家的設計。

原本諗住順便去 Let's Relax 做按摩，由於冇 book 到，而最快要 8點先有位，唯有放棄，陪小姐去小老闆專門店入貨。

由於媽咪好想按摩，又去左另一間朋友介紹的店，搵左好耐，終於搵到，好在只等半個鐘就有位，由於 Daddy 同小姐都唔按，佢地又可以返酒店 hea了，之後再同佢地在 Central World 的蝴蝶袋會合，去到嚇了一跳，裏面好似唔駛錢咁，迫滿人，場面認真虛冚，揀完買完原來已經好夜，原來想到樓上食飯，人家都開始打烊了。

為左 shopping 連飯都冇食，最後唯有買些小食返酒店淥杯面，哈哈！