高雄 Day 4 漢神百貨 - 中央公園 - 家樂福 - 小港機場 - 香港

話咁快今次快閃之行又黎到 last day，早餐後執埋行李喺房 hea 到夠鐘先 check out，之後漫無目的咁周圍行，又到左中央公園，見到公園旁有架 shuttle bus 去漢神百貨，大熱天時，9秒9衝上車順便去行公司嘆冷氣。

原來樓上就係漢來大飯店，本想入去睇吓有冇Hello Kitty擺設，不過老爺冇興趣，行完百貨搭車返中央公園。

途中經過呢間鴨肉店，見好多 local人幫襯，應該類似台北的鴨肉扁，咁就係度開餐啦！

又平又好食過鴨肉扁，唔錯

餐後又在附近散步影吓相，原本應該來影夜景的地方，早幾日掛住行街 miss左，現在居然日光日白先黎影，真搞鬼！

下次有機會再黎高雄一定要補番夜景相。

大立百貨

城市光廊

中央公園

睇吓 d 白鴿幾咁整齊喺度排排企

行完一輪仲有時間，搭捷運去獅甲站行埋家樂福，快速地掃貨。

又夠鐘返酒店拎番行李出機場。

小港機場好細，諗住早 d 入閘行吓商店，就在過海關後，媽咪先發現有張 lounge invitation，發達囉。

其實係因為媽咪 redeem 張免費機票時，經濟位已 full，所以要加分 upgrade 坐商務位，亦因為係第一次正式坐商務位，大鄉里唔記得有呢個 offer，爭 d走寶添！問埋個職員，可以帶埋小姐入去，又要出賣 Daddy 喺出面等我地喇！Sorry！

航班 delay 左小小，又可以嘆耐 d，嘻嘻！

商務位果然係正！