1 - 4 Apr 2012
繼聖誕節的台北遊後，我地今個復活節假期又向台灣出發喇！由於只得短短4日時間，所以呢次嘅目的地就揀左高雄，又係去食食食...........
Daddy今次安排左肥 bear 做花花嘅 partner 
呢次係第一次搭港龍機，OK 幾好，有個餐食，起碼好過 XX 淨係得個飽 
個幾鐘後已降落高雄小港機場
入境大堂好細，一眼睇晒
交通都幾方便，出左機場隔離就係捷運站。
星期日喎？點解大堂同車廂都冇人嘅 
話咁快就去到美麗島站 － 康橋商旅 (六合夜市南華館)，今次 book 間4人房，優惠價NT$2288一晚，房間又大又整潔，真係平靚正！
酒店 lobby 有個雪糕櫃可以免費任食雪糕，跟著之後幾日，我家小姐每次出入都有幫襯，慳番唔少買雪糕錢啊！
休息過後，要爭取時間去行街街了。
街頭專業美容，真的有人幫襯，好嘢！
行行吓行到去中央公園站，站內呢部自助圖書館又幾有趣喎！
在站內跟著人多的地方行，原來一出站口就到左新堀江商圈，感覺即是台北的西門町。
路過見到呢間九乘九文具，入去打個轉，小姐睇得不知幾開心，又有收穫。
不知不覺又行到三多商圈，原本想去逐鹿食燒烤，但已 fully book，所以冇得食，咁唯有book定聽晚再黎啦！
在附近行街搵野食，見到光南大批發，又要入去𥄫吓先。
之後發現有個興中夜市在隔離街，順便睇吓有咩食，但不太吸引，其實只是街道兩旁開了一些檔口，路中間又鬼咁多車經過，人車爭路好危險。
不過大家都肚餓，見到呢家鹵味都OK，坐低食住小小先，留番個肚夜d去六合夜市再食過。
其實即是香港的車仔麵，不過台灣呢邊通常叫鹵味，味道都唔錯。
食飽在附近的新光三越同 Sogo 散吓步，係時候要返酒店，順便去六合夜市買宵夜，其實夜市就在酒店行出大街對面馬路，非常方便啊！
六合夜市人氣旺好多
是晚宵夜
呢個木瓜奶好好味，媽咪平時唔飲鮮奶都話好飲 
Daddy 就話呢個蚵仔包好味道 
是日收獲
沒有留言:
張貼留言