高雄 Day 3 台南 - 安平樹屋 - 德記洋行 - 安平古堡 - 安平老街 - 夢時代 - 瑞豐夜市

今日早餐後，將會向台南進發。由酒店行出大街一直行便是高雄火車站。在高雄呢幾日，行行吓成日都俾在你身邊經過的機車嚇一跳，真不明白點解電單車都可以在行人路駕駛的？

昨晚已經睇定火車時間表，搭11:00am開出的自強號，只需半小時便可到達台南。

同行仲有爭扎中的小強陪坐，真恐怖！

話咁快到左台南，問左遊客服務中心的姐姐，叫我地在火車站外坐2號巴士到安平區。原本小黃都有埋黎找生意，不過我地又想試吓搭巴士觀光，下次先再幫襯啦！

架巴士兜兜轉轉，終於到達安平區

安平樹屋

德記洋行

安平古堡

參觀完畢，又到左行街同食野嘅時候

安平老街

周氏蝦捲，yummy yummy！

遊客必試的安平豆花

食完呢兩間，其實已經好飽，但黎到台南，又點可以唔去度小月呢？

係咁二叫左兩碗擔仔麵同小食，好在夠細碗，叫做試過，味道還可以。

玩左大半日，夠鐘返高雄喇！回程冇得劃位，架火車仲要delay半個鐘，只好呆等，到站時好多人在台南落車，可以有位坐，不過就算冇都唔緊要啦，都係企半個鐘就返到高雄。

今晚打算去瑞豐夜市開餐，見時間尚早兼係台南食嘅野仲未落格，就搭捷運過去夢時代，在凱旋站外有免費 shuttle bus 接載，每架車都有不同的造型，車廂內都好靚好 cute！

商場好大，行行吓小姐又見到佢嘅至愛，明明好飽都要幫襯，Cold Stone 雪糕多謝盛位 NT$190

跟住上左頂樓的 Hello Kitty 摩天輪，夜晚真係好靚，不過媽咪畏高，冇得坐。

仲有其他機動遊戲，不過太小朋友了，唔啱玩。

hea完一輪，又搭番捷運去瑞豐夜市，在巨蛋站下車，沿途已見人來人往，去到夜市仲人山人海，其實呢度好大好多野食同買，但天氣實在太熱，買乜都要排隊，逛左個圈便決定買返酒店開餐。

呢個烤鴨卷好好味啊！

是日收獲