新加坡 Day 4 Duck tour - 牛車水 - 濱海灣 - 老巴剎 - 烏節路

今次 book Ritz-Carlton 嘅package 覺得好抵，因為除左有免費加床俾阿女之外仲包埋佢嘅早餐，唔錯唔錯。

酒店的早餐非常豐富，款式又多又好味

嘩！原來個早餐都唔平架，2大1小要成百幾蚊坡紙，好在係包埋

餐後在酒店四處參觀，順便望吓個泳池係邊樹，因為下晝又要招呼阿小姐游水。

 

 

開始今日嘅行程，首先會去 Suntec city 參加 Duck tour 做鴨仔，Suntec city就在我地酒店嘅後面，沿著商場一路行過去好快便到。

花花都要在酒店前面影番張到此一遊嘅相啊！

我地就係會上呢架水陸兩用鴨仔車，在陸地沿路觀光然後再駛入河中遊船河欣賞Marina Bay沿岸景色。

途經摩天輪

 

濱海藝術中心 Esplanade

魚尾獅像

金沙賭場

遊完船河又係食嘅時間，下一站係牛車水嘅 Maxwell Food Centre。

 

目標店舖就係好多香港人必到的天天海南雞飯，好在冇乜人排隊。

d雞肉好嫩滑，油飯亦好好味

 

食完仲要整番碗魚旦返酒店，等小姐游完水慢用，問你怕未

 

 

返到酒店係 lift lobby 望出去，先發現原來呢兩日係度等 lift 時所見到嘅景，就係今朝遊船河的範圍，咁其實即係唔駛坐船都可以睇到晒 d 建築物啦，今次仲唔真係做左”鴨仔”！

個泳池冇乜人，幾乎比我地霸晒

 

黃昏又出動，行左過魚尾獅像果邊，沿著濱海灣一路行睇夜景，同早上遊船河時睇到又唔同感覺，夜晚真係靚好多

 

 

 

 

 

 

行吓行吓，又到左我地今晚開餐嘅地方－老巴剎

 

呢個熟食中心好大，有好多唔同地道食品

 

 

熟食中心仲有埋 live band 演出，好野！ 

不過我地主要目的係幫襯中心外面嘅沙爹街，呢條街d 檔口要到晚上先會開檔，成條街大多數都係賣沙爹串燒，亦有其他海鮮大排檔，好有風味。

 

 

 

串燒雞牛羊，串燒蝦，魔鬼魚，加上冰涼飲品，好正啊！

由於聽日要返香港喇，為左爭取時間，食飽後又諗到去烏節路一遊，除左行街shopping外，最主要目的係去搵野食，又食？？？

 

 

冇錯又食，就係呢 d 雪糕車仔，賣的雪糕三文治，除左一般夾威化餅外，仲可以夾麵包，認真趣緻，塊麵包仲好鬆軟，加埋舊雪糕，yummy yummy！