新加坡 Day 5 Marina Bay - Hong Kong

今晚要返香港喇！瞓醒落去嘆埋個豐富早餐，返房執行李準備check out，5日時間過得好快，而我地都仲好似有好多地方未去玩，冇去食，都好，咁先有藉口可以下次再來。

Check out 後行左去摩天輪，睇旅遊書話有間熊仔專門店，諗住去買件衫比花花著，點知去到原來已經執左，激C人，都冇計，一場黎到就四圍行吓

沿住呢條天橋一路行就可以去到金沙賭場，咁熱，咪搞

呢處就係8月青年奧運會嘅場地

烈日當空下，熱到飛起，再行真係會中暑，拿拿臨走入商場嘆吓冷氣先，其實酒店附近有幾個大型商場我地都未行晒，而家可以一次過慢慢行

財富之源 －聽講話夜晚會好靚，會有激光表演

Lunch 又去左 Suntec city 嘅 Food Republic 開餐，呢度個裝修好似個圖書館咁，幾有文化氣息

行多一陣係時候要出機場了，上機前在機場買埋斑蘭蛋糕

其實新加坡都唔係咁悶啫，不過消費認真高，物價一d都唔平，計番好多野仲貴過香港添，但冇所謂啦，最緊要玩得開心，更重要係屋企兩位老闆滿意，咁先有下次嘛！