剛剛一個月前先過左大海一轉，今次又再一行10人(即上年暑假的原班人馬)過黎食食食，擦餐飽！
出發前聽到剛剛係復活節去完番黎嘅朋友講話假期果幾日成個澳門食野嘅地方比香港人攻陷晒，四圍都大排長龍，由其是亞so介紹過的都企滿人，認真誇張！
今次都係住番英皇娛樂，貪佢個package包好多野，但今次間房麻麻地，得個view比較好，望到旅遊塔。
放抵行李後便開始搵食行動，第一站都係營地街市，因同行朋友未去過，點知一上到去就不得了，成個場四周都係人，坐位同買野食都要等，唯有一路排隊一路等位，足足等左一個鐘先買到嘅野食
食完野後嘅行程就係上年去唔成的二龍喉公園坐吊車，上左巴士後司機叔叔叫我地在個公園落車行過去，入去後先發現原來係唔啱路，不過都比我地傻更更咁去左呢個景點
盧廉若公園
跟住向目的地進發，搵左一段時間終於到達，小朋友都好興奮，點知好戲在後頭……，去到完來個吊車又冇開，有冇搞錯，又唔係天氣唔好，又唔係休息日(之前一早check定係逢星期一休息)，問個管理員原來佢話星期一果日因為係紅色假所以有開，今日補番休息，唔係嘛？！今日都係紅日喎，咁又唔開，比佢激奀！真係澳門嘅特色 -- 佢鍾意幾時休就幾時休。吹漲。
小朋友又再次失望，唯有行吓睇吓動物！
之後朋友話附近有個塔石廣場，又去行吓啦！
途經國父紀念館，不過是日休息冇得入去參觀
起初已為係睇石頭嘅地方，原來係由幾幢政府建築物所組成的廣場。
我地仲好有文化氣息咁入左圖書館睇書，嘻嘻，其實係各人都行到好累，順便入去坐吓兼嘆冷氣，真爽！
嘆夠後開始行返酒店，途經禮記當然要入去食番個雪糕三文治同紅豆雪條，點知已經沽清冇得食，食左杯雪糕紅豆冰
行過添發碗仔翅，又係咁多人排隊，不過都買左幾碗返酒店食
係酒店休息過後又出發去六記，去到又真係暈得一陣陣，又係企滿人等位，仲要攞飛仔等，認真巴閉，街頭的細龜炒河仲誇，排左幾十人係度等佢炒，今次仲唔炒到佢手軟
點左d招牌食物
食飽回程見到糖水又唔放過，買左返酒店宵夜
綠豆唔錯，個湯丸唔掂
沒有留言:
張貼留言