我地又向澳門出發喇！趁住我家小姐放假，星期日酒店又會平d，就去hea吓，食吓，輕鬆吓！
今次揀左住英皇娛樂，主要貪佢係市中心，去邊都方便。
成間酒店都好多”金”
Check in後就搵地方食lunch，行左去營地街市，上左大排檔食牛雜麵
食飽後又四圍行吓，以前一直唔知噴水池對面的民政總署係可以入去參觀的，後來知道後成日都冇時間行，呢次可順便入去睇吓喇
跟手又去埋我每次黎澳門都從未去過嘅媽閣廟到此一遊了！
原來海事博物館就在隔離，不過我地冇入場，只是在外面影吓相
夠鐘返酒店食dinner buffet，食物都唔錯
餐後又出外散步，行左過永利睇吉祥樹show。
第二日一覺醒來又係食brunch嘅時候，冇咩心水選擇，行經過就入左鳳城珠記食魚角麵，掛住食唔記得影相，但我同Daddy都覺得琴日大排檔d麵好食d
買埋手信返酒店check out 後就過左氹仔果邊，諗住較啱時間3點鐘去食豬扒包，點知佢地居然休息一星期，仲要係第日就會開番，真激奀
咁唯有去食大菜糕同又周圍行吓，然後搭車返市中心，小姐又叫肚餓想食豬扒包，但唔想再四圍行咁遠就係酒店對面間澳門茶餐廳食個下午茶算了！
飽飽後返酒店攞番行李就出碼頭搭船返香港，澳門下次再見！
沒有留言:
張貼留言