2015@金沙城中心假日酒店

24 – 25 Feb 2015

農曆年假期沒有外遊，但又想外出 relax 下，近近地的選擇便是澳門了。搵房時發現原來過年房價貴到飛起亦好爆，左搵右搵下金沙城中心假日酒店的套票價錢都可接受，一於去玩返兩日先。

Check in 先但未夠鐘攞房，去左醫肚先，又係食同 hea 的行程，第一日天氣唔太好，所以都留在酒店附近食野。
 

行過新濠天地，原來依家有個 SOHO 區，上面有好多唔同類型餐廳，以後食野又多個選擇了。

左麟右李粥麵店@新濠天地
 

食物好一般

Holiday inn @ 金沙城中心

 

之後出左新馬路，買了喜愛的最香杏仁餅，四圍行下又要回程，因為訂了晚飯食京菜。
 

滿堂彩@君悅酒店
 

片皮鴨分開三碟上，淨肉，淨皮，皮連肉，yummy。
 

刀削麵好正
 

 

擔擔麵 Daddy 話好好味
 

其他菜式都唔錯，真是豐富美味的一餐。

京味蟹肉皮凍

 

京蔥醬爆牛柳

第日瞓醒 check out 後，諗緊去邊樹食 lunch，之前成日見免費 shuttle bus 去關閘，只知果度係內地出入境過關的地方，一直好奇會係點樣，問左酒店職員話都有些地方可食野，咁一於遊下車河過去八下先。

原來先要過返市中心，再沿著外港碼頭一直去便到關閘。
 

一落車便是邊檢大樓，可惜冇帶回鄉咭，冇得過去行下添。
 

就在附近搵下有乜食，但四周環境只覺得似去了上水，多數是藥房，找換店，電話鋪等，完全冇興趣，唯有又搭返免費車出市中心先再食。
 

祥記蝦子麵
 

小姐又話要食禮記雪糕，一路散步行過去，諗住行捷徑，點知行行下盪失路，反而見到有座建築物，好多人在門前影相，我地又唔執輸去八下，原來這是澳門的主教座堂，亦是世界遺產之一，今次錯有錯著，又認識多一個景點。
 

參觀完後繼續起行，原來冇盪失路，媽咪認得下周圍環境，搵返條路都去到禮記，嘻嘻。
 

食完雪糕，Daddy 又話想去三盞燈，本想搵車搭，但問雪糕店哥哥話可以行過去，食飽當散步消化下啦，點知去到又食過。

雅馨緬甸餐廳

係時候返香港，搭巴士去關閘再轉 shuttle bus 返酒店拎行李，bye bye。