首爾、台北 Day 5 首爾 - 台北 - CNBLUE 演唱會 - 新驛旅館 - 馬辣火煱

今早天未光便出發到機場，去到竟然見到要 delay，吓，唔好玩喇，皆因今日飛台北的大 project 是去睇 CNBLUE 演唱會，而且仲係下午3點開場，好在只是 delay 25分鐘，但個心都係囉囉攣，唔知係咪真係遲咁小嘛。

唔理咁多，寄行李後嘆返個美味早餐先，可惜這是好睇唔好食的香腸包。

 

好在呢程機都有個正常飛機餐

 

 

 

到左台北，立即會合從香港早到一小時的 Daddy，買好電話咭，ATM 提款，立即找車先送兩位小姐到南港展覽館。

會場外已好熱鬧

 

叫司機稍等一陣，帶了小姐到場，我地幾位阿四便到酒店check in，今次都係住返上次住過的新驛旅館。

 

 

 

到了差不多時侯，又要到展覽館接回小姐們，返到西門町，本想去食馬辣火煱，但又係例牌 walk in 冇位，要等到晚上11:00，唯有買住些小食，今晚再來宵夜。

 

 

 

馬辣火煱

 

 

 

其實今次睇演唱會是我家小姐的契媽約佢一齊睇的，皆因契媽都係 CNBLUE 的 Fans，而佢仲遠道由加拿大到台灣，咁難得的機會，當然齊齊玩啦，但我覺得最搞笑的是我地從首爾飛到台北，而去睇韓國樂隊演唱會，真有趣!