之後行過水門食海南雞飯，嘩! 大排長龍，等左 20分鐘先有位啊!
食飽飽在附近行下散步，一路行返過 Chit lom 順便搵下間按摩店 book 時間做按摩。
行過見到有野食賣好吸引，我地條為食蟲又出動，又買了回酒店下午茶，真係 hea 到不得了。
休息完一大輪，黃昏時分又出發，搭 BTS 到 Saphan Taksin，這裡比較地道平民化，沿途見到好多的店舖都好懷舊，同我地住的遊客區見到的又另一番體驗。
媽咪要來呢區就是專程到此店買腰果餅。
然後會到唐人街晚飯，之前上網搵到原來可以坐船過去，又可避開放工時間塞車，而碼頭正就在附近，咁就去坐船啦!
搭船好舒服，又可欣賞河景，正!
太陽剛好下山，個鹹蛋黃好靚。
在5號碼頭落船後有附近地圖指示，見到直行便可到達，行了大概10分鐘已到唐人街附近。
搵地方晚飯，本來又想去食翅，但上次食過又想試下新地方，行行下見到好出名的海鮮大排檔 T&K，原本冇諗住食，一來眼見已坐滿食客，二來怕我家小姐唔習慣大熱天時坐在街邊食，但佢話冇問題，一於決定在此開餐。
我地非常幸運，因路邊已冇位，店小二帶了我地上樓有冷氣的位置，同出面完全兩個世界，舒服晒!
燒海鮮好正
仲有避風塘大肉蟹
又有翅食，good good
good!
食到飽飽，走時落到樓下嚇了一跳，因為已企了長長的人龍在等位，場面虛冚，認真誇張。
去林真香買埋手信，再打的回酒店，今日好好彩，遇到個老實司機，照起標收費。其實在泰國搭的士真係好抵，但至憎遇著要嘥口水講價兼呃錢的司機，怕怕。
返到 Central World 時間尚早，又去下 shopping，再同商場門前的聖誕裝飾史路比影下相先。
是日收穫
沒有留言:
張貼留言