台北 Day 2 九份 - 饗食天堂

昨晚返到酒店好遲先瞓，所以今早我地只預留最後15分鐘去食酒店包的早餐，款式都是一般，而可能亦是尾聲，得番好小野食，大家亦都只象徵式吃了便算。

趁好天影吓街景，對面就係西門町，媽咪發現新開的永安棧就在斜對面，下次來台北又有多一個選擇了。

攤抖完一大輪，我地超 hea 嘅旅程便開始。

第一站便是去搵少女時代，話說少時的官方公司在台灣開了一間專賣店，我家小姐話要去朝聖，咁其實我地今次旅程係咪應該去韓國呢?

店舖就在媽咪喜歡的光南大批發旁，大家都有得 shopping，good。

朝聖完畢，又要諗下一個節目，見天氣唔錯，便決定往九份走走。

其實之前一直想到九份十份，但很多時見人家都是一早預訂火車票兼好早出發，對於我們 hea 遊的，不想限定幾時幾刻出發，而且台灣天氣時常下雨，就是這總總原因而沒有去過呢！

到了台北車站，因為翌日便是台灣一連三日的公眾假期，有很多人都會回鄉，賣票的櫃檯排了長龍，我們便到較小人的自助售票機買票。

由於第一次用這部機，攪左好耐睇埋人家點用先識買，真是大鄉里啊！

買了區間車，雖然站站停，車程會耐 d，幸好唔多人而且仲有位坐。

到了八堵站，要在此站落車再轉另一列車去瑞芳。

到了瑞芳，落隧道沿著指示行至火車站出口，對面便是往九份的客運站。

行到車站時剛好有車，但全車爆棚企滿乘客，唯有再等下一班車，正在猶疑還可以坐幾號車之際，竟然有架吉車埋站，問司機叔叔是會經過九份的嗎﹖他說可以我們便立刻上車，全車只得我們一家三口包車，yeah！

到站時司機叔叔還提醒我地落車，真係唔該晒。

慢慢行到老街入口，已經見到好多人，再行入兩旁的店舖，感覺像是去了澳門的手信街，但當然比澳門賣的多很多種類呢！

在人山人海的窄巷，呢架電單車居然可以在人群中穿插，認真犀利。

一路行一路食

再四圍影吓相，又係時候回程了。

為免再巴士轉火車之麻煩，我們便坐直接回台北的 1062客運，在車上瞓醒幾轉，終於回到台北市中心，再兜兜轉轉下，原來終點站是在忠孝復興站，而不是台北車站，OMG，因為一早已訂了 6點鐘在台北車站附近食放題，以為可以直接到步，但現在去到預留的時間也過了，但我地亦都抱著隨緣的心態，去到睇吓仲有冇位，終於遲了45分鐘，幸好我們的座位還保留著。

饗食天堂 @NT$768 + 10%

地方好大，食物種類好多，而且亦很精緻。

餐廳就在京站時尚廣場內，食飽慢慢散步，行吓台北車站地下街同西門町，返酒店執行李，因為明天又要搬酒店啊！