25 - 26 Aug 2012
一年一度澳門之旅出發喇！今次又同埋其他2個家庭一齊去 happy (其實只係3位超級阿四帶住3位大小姐共6人)，而為左小姐們可以有得玩，直接同威尼斯人book 咗個夏日享樂套票，除住房連早餐同船票外，仲包埋冰 fun 世界入場劵，小朋友又可以喺 Q立方免費玩一小時，大熱天時，都係留係酒店活動好d。
坐金光飛航出發喇！
1點幾到達酒店，諗住 early check in 寄存行李後去食野，職員話房間已 OK 可以上房，真係抵讚 
房間好大好光猛
觀景是金光大道
拎住呢個 passport 就可享受種種優惠 
喺房 hea 完一輪，3點幾出發去官也街，原來而家起左條天橋同自動行人路行過官也街果邊，唔駛好似以前咁日曬雨淋，真係幾好喎！
離遠見到街內人山人海，而由於幾位小姐非常肚餓，唔想再四圍搵，是但入左間上海菜館醫住個肚先！
食飽之後買左小小手信，又要衝返酒店避暑喇！
然後安排小姐們去 Q立方玩
而大人就去左嘆個 welcome drink 
順便去行吓個會盪失路嘅超大商場
大家再會合就行過新濠天地果邊搭免費 shuttle bus 去市中心食 dinner。
順便影吓夜景先
Dinner @ 黃枝記
第二朝避免人多，一早起身落去嘆番個豐富早餐先 
跟住就係游水時間
游完水夠晒鐘退房，好在一早做左 late check out，梳洗完又趕去下一個節目。
冰 FUN 世界，裡面 d 冰雕真係幾靚，不過真係好凍架
玩完後又過返新馬路，又去左祥記食蝦子撈麵，再買埋手信，去大三巴走左轉。
駛唔駛咁多人呀？好似去左行花市咁 
影完到此一遊相片後又搭免費車返新濠天地，坐到夠鐘返威記攞埋行李出碼頭返香港了。
由於今次節目豐富，行程緊湊，唔多夠時間去搵食，希望下次再來時又可以不停食食食................
沒有留言:
張貼留言