今日天氣都係麻麻，陰天同埋雨粉粉，不過已比琴日好，起碼唔駛成日擔住把遮先啦!
食左個麥當當早餐後出發，第一站去左中正紀念堂，原本只係諗住帶小姐黎到此一遊在外圍影相留念，點知佢話要上埋條長樓梯入去參觀，但其實我同Daddy N年前黎過諗住冇野睇都冇入去，而家要我兩老撐樓梯，認真攞胆！
上到黎又啱啱有換班儀式，要儀式完左先可以四圍參觀呀！
真估唔到喺呢處都磨左成兩個鐘，跟住我地就出發去淡水，成日見人家的 blog 都話黎睇日落，但咁嘅天氣，唉……
唯有又周圍行吓，睇吓野，好在呢度好多野食，我地邊行邊掃街，正！
之後又去左士林夜市，四圍人山人海 
買完呢個大腸包小腸後又落大雨，冇晒心機。
諗住去全新的士林夜市開餐，但原來話未開張喎，人多又落雨，非常冇癮 
買埋豪大大雞排就走人，返酒店附近食牛肉麵算喇！
話說我同Daddy都好大鄉里，因為我地N年前黎過個夜市仲係鐵皮屋，後來成日聽人講已搬了入熟食中心，但都唔知係邊處，在我地等捷運其間，先發現就在車站對面，不過佢又要搬喇！而我地今次黎又有一個全新的夜市，諗住可以試新地方，點知話要過兩日先正式開幕，真係激 C 人，希望下次再來的時候唔好又搬過呀！
是日收獲
沒有留言:
張貼留言