食完行出附近見到一間燒臘鋪好似好好味，見澳門人都在排隊買，我地都唔執輸買左d义燒&油雞等返酒店開餐，真搞野，第一次係澳門買飯盒食，不過d义燒真係好好味，小朋友們爭住食完問仲有冇，平時又唔見食咁多野！
開完餐後夠鐘check out，又係小姐少爺們去玩嘅時間，今日會去通訊博物館
入場費MOP7，拎住呢張卡就可以玩遊戲，原來裡面都有好多野玩架
模擬揸飛機
設計名信片，仲可以影埋自己個嘜頭落去添
設計郵票
仲有d通訊科技遊戲玩
玩左幾個鐘係時候走喇，跟住去三盞燈食野，原本想搭車，但成班傻瓜都話行到去的，就慢慢地行左落山，去左雅香食麵，今次叫左個雞絲撈麵 - good !!!
食埋豬腳薑醋
跟住要起行返酒店了，橫掂都行開，唔爭在行埋返酒店，結果大棚傻人又慢慢散步，行行吓又話可以行到去大炮台，跟住落埋大三巴，再行返酒店，真厲害，今次嘅旅程幾乎大半個澳門都比我地”行”勻晒！車錢都慳番唔小
三日兩夜澳門之旅又完滿結束了！
沒有留言:
張貼留言