Check out 後寄存行李，出發去食lunch，今日會去三盞燈，成日聽人講話果度好多好野食，我地當然唔會放過啦！
d雨未停過，我地在三盞燈附近行左一陣，經過紅街市，又見到龍華茶樓，由於大家都想試吓緬甸食物，於是去左雅馨食麵，餐廳阿姐推介椰汁雞麵和魚湯粉，咁就試吓啦！
魚湯粉 (右) 上枱後見到好杰的湯，起初我呢個大鄉里以為魚湯會係白雪雪的，所以比較失望，而且味道都不太合口味，Daddy嘅椰汁雞麵 (左) 都還可，另再叫左一d小食
之後又要商量吓去邊度打發時間，睇地圖原來附近有個消防博物館，相信小朋友都會喜歡，而最重要嘅仲係免費入場添，咁就要去行吓喇
外貌好有歐洲風格
裡面不十分大，但小朋友都好奇，玩得好開心
唔好放我入火爐呀
外面已經停左雨，又已參觀完畢，又要搵節目，原本想問吓博物館職員點去二龍喉公園，點知佢地話纜車維修，冇得坐，咁就冇意思啦，因為都只係想同小朋友去搭吓纜車，跟住就推介我地去漁人碼頭，話有什麼麥兜兜巡遊 .......... 而原來各位團友都未去過漁人碼頭（包括我地一家），咁就唔駛諗咁多，出發
一直行到盡頭就是萊斯酒店，走左入去參觀，環境好寧靜
坐在外面對住個海都好舒服，休息之餘仲要等夠鐘去食竹昇麵
夜晚我地去嘅六記要6:00pm先開檔，叫左ｄ招牌食物
食飽後行出來見到細龜炒麵，好香，好夠獲氣，可惜我地已飽飽，下次有機會一定要試吓先。慢慢行返酒店大約10分鐘路程，攞埋行李出發去碼頭了
酒店外的擺設
回程小插曲
原本我地係11:00pm船飛，但早左到碼頭，於是提早一小時上船，點知開行大約5分鐘，隻船停在海中漂浮，等左好耐話要回程維修，埋到岸要轉船，搞左好耐，都已接近11:00pm，咁我地提早落船都係得個吉，轉船後，船公司派了水和餅乾給乘客，希望以後唔會再有此情形出現啦！
沒有留言:
張貼留言