呢個暑假8月真係忙碌，剛剛喺棕櫚島玩完返黎幾日，又要同另一班朋友出發去澳門玩喇！
有得玩當然會帶埋花花去啦
其實澳門是我地一家人每年都會到的地方，行吓食吓relax吓，咁啱今年又可以約埋一大班朋友一齊去玩，大家吃喝玩樂，盡情玩個夠！
今次經同朋友商量後，決定選一間地點方便，價錢適中兼要有泳池的酒店，方便出入又可以俾小朋友游吓水，最後選左十六浦索菲特酒店。
由於未住過呢間酒店，都係抱住一試的心態，到步後，原來我地嘅選擇係啱嘅，地點真係好方便，就在新馬路一直行到尾已是酒店，地方寬敞，可能係平日的關係，唔太多人，感覺好舒服，而各團友亦很滿意此酒店。
每間房仲有100元餐飲coupon贈送
今次此團最大嘅目的就係要搵野食，我地做足功課，美食多不勝數，不過唔知個肚裝唔裝到咁多野食喇！
落船後由於時間尚早，未夠鐘 check-in，到酒店放抵行李後就開始搵食行動，先去祥記食個 lunch，由於地方狹窄要分開坐，我們一家只點幾味食物，因要留番個肚去第度食過
之後去左頤德行食豆腐花，好在之前問左人點行，又係由新馬路轉入d橫街轉呀轉，再得途人指路先搵到間鋪，個人覺得味道一般
食飽後係時候返酒店check-in喇，行返酒店只需5分鐘，正
Check-in 時我地要求upgrade海景房，由於係平日關係，ok冇問題
房間一般大，感覺舒服
外望海景和城景
稍為休息後，我地一行11人又要出發過氹仔了，因為要會合亦在今日到步住威尼斯人的幾位朋友，順便到官也街搵食
莫義記大菜糕
菠蘿大菜糕 芒果雪糕
沿著這條叫跛腳梯的樓梯，就可以行到去威尼斯人酒店
會合朋友後，又要出發去食我地嘅晚餐，今次嘅目的地是峰景餐廳，一直以來都以為呢度係食葡菜，只知話以前誠昌的廚師過左黎煲水蟹粥，但原來朋友話係食中菜，冇所謂啦，總之有得食就得喇！
飯後有餘興節目，就係去新濠天地睇show，因為買船票時阿姐送給我一大疊換票証，話可以睇天幕表演，真係多謝晒!
睇完show有免費shuttle bus過返新麗華果邊，可以慢慢行返酒店之餘順便食宵夜，原本想去食添發碗仔翅，點知冇開檔，結果買左椰汁紅豆冰做甜品
酒店夜晚睇都幾靚啊
沒有留言:
張貼留言