澳洲 Day 7 香港

係機上食埋個早餐，航機早上6時已經抵達香港，咁就當左一日，真覺得有點搵笨。不過冇辦法，跟團就係咁樣。

 
今次係我家第一次踏足澳洲，感覺好好，當地的天氣，四周的環境，都令人好舒服，加上包足咁多餐的豐富美食，大家都玩得好開心，非常滿意這次的旅程，唯一的就是冇乜shopping時間，不過都不是大問題，因為澳洲的消費實在唔平，咁仲幫我慳番唔小添，哈哈。

澳洲 Day 6 黃金海岸 ~ 華納電影世界 (Movie World) - 香港

玩埋今日，今晚就要飛返香港喇，之前幾日都陽光普照，但今日個天好灰，好似想落雨添，不過唔理咁多，一於喺華納電影世界 (Movie World) 玩番夠本先。

初頭仲抱著好大期望，以為好似環球片場咁好玩，點知原來地方仲細過香港迪士尼外，d遊戲又不太吸引，仲覺有d悶添。